نئی دہلی: جمعہ کی رات8بجے سعودی ایر لائن کی چوتھی حج پرواز نمبرایس وی 3085 کے ذریعے اکیاون بغیر محرم کے خواتین، دہلی کے اندرا گاندھی ہوائی اڈہ سے حج بیت اللہ کی ادائیگی کے لیے مقدس شہر مدینہ کے لیے روانہ ہوئیں اس موقعے پر اندرا گاندھی انٹرنیشنل ایر پورٹ کے ٹرمینل 3پر دہلی اسٹیٹ حج کمیٹی کی چیر پرسن کوثر جہاں،حج کمیٹی کے ایگزیکٹو آفیسر اشفاق احمد عارفی،ڈپٹی ایگزیکٹو آفیسر محسن علی اور حج کمیٹی کے دیگر اسٹاف نے بغیر محرم خواتین حج کا خیر مقدم کیا اور انھیں گل پوشی کر کے حج کے لئے پر روانہ کیا۔
اس موقع پر چیر پرسن کوثر جہاں نے میڈیا سے گفتگو کرتے ہوے کہا کہ وزیر اعظم نریندر مودی کی قیادت میں مرکزی حکومت کی خوشگوار پہل پر اب سماج کے ہر طبقے کے کے لیے آسانیاں پیدا ہو رہی ہیں۔ واضح رہے کہ آج دہلی سے حج کے لئے روانہ ہونے والی 51 خواتین میں دہلی کی20 اتر پردیش کے22، بہار2، جموں کشمیر4،پنجاب کی ایک اوراتراکھنڈکی2خواتین شامل ہیں۔
گزشتہ 30 اپریل سے شروع ہونے والی حج فلائٹ کے سلسلے کی آج چوتھی فلائٹ تھی جس میں اب تک1646 عازمین حج حج بیت اللہ کے لیے مدینہ شیف کے لیے کوچ کرچکے ہیں۔اب تک روانہ ہونے والے عازمین حج میں 839 مرد عازمین جبکہ خواتین عازمین کی تعداد807ہے۔ آئندہ 30 مئی تک چلنے والے حج فلائٹوں میں دہلی سے کل38 فلائٹیں شامل ہوں گی۔ 15 مئی تک کی تمام16 فلائٹیں مدینہ منورہ جبکہ 16 مئی سے 30 مئی تک کی22پروازیں مکہ المکرمہ کے لیے جدہ جائے گی۔ (یو این آئی)
