جدہ:خادم حرمین شریفین شاہ سلمان بن عبدالعزیز اور سعودی ولی عہد شہزادہ محمد بن سلمان نے وزیر داخلہ شہزادہ عبدالعزیز بن سعود کو شکریہ کا جوابی خط بھیجا ہے۔ سپریم حج کمیٹی نے عید الاضحیٰ اور اس سال حج 1445ھ کی کامیابی کے موقع پر مبارکباد پیش کی ہے۔ شاہ سلمان کی جانب سے بھیجے گئے شکریہ کے دو کیبلز میں عید الاضحی کی مبارکباد بھی دی گئی۔
اس سال حج کے سیزن میں حاصل کی گئی کامیابی کا حوالہ دیا اور حج کے امور کی تیاری، مربوط سکیورٹی، احتیاطی اور تنظیمی منصوبوں کے مطابق بیت اللہ شریف کے زائرین کی سلامتی اور تحفظ کے حوالے سے کوششوں کا ذکر کیا۔ حجاج کو مدینہ، مکہ اور مقدس مقامات کے درمیان بیماریوں اور وبائی امراض سے پاک صحت مند ماحول میں لے جانے کے لیے جدید ترین ذرائع نقل و حمل کا استعمال کیا گیا تاکہ ضیوف الرحمن مکمل آرام، آسانی اور پورے یقین کے ساتھ اپنے مناسک ادا کر سکیں۔
سعودی خبر رساں ایجنسی “ایس پی اے” کی طرف سے شائع ہونے والے ٹیلی گرام کے متن میں لکھا گیا: ہم آپ سب کا شکریہ ادا کرتے ہیں کہ آپ نے عید الاضحیٰ کی مبارکباد دی ہے۔ آئیے ہم اللہ تعالی کا شکر ادا کرتے ہیں کہ اس نے ہمیں عید الاضحیٰ اور حج کے سیزن میں کامیابی عطا کی اور اس نے ہمیں اپنے قدیم گھر کے زائرین اور مسجد نبوی کے زائرین کی خدمت کرنے کی توفیق بخشی ہے۔ ہم اللہ تعالیٰ سے دعا کرتے ہیں کہ وہ حاجیوں کے حج کو قبول فرمائے اور انہیں ان کے آبائی علاقوں کو باحفاظت واپس لوٹائے۔ ہم اللہ سے دعا کرتے ہیں کہ وہ ہمیں ہر اس کام میں کامیابی عطا فرمائے جو اسلام اور مسلمانوں کے لیے بہتر ہو۔
