نئی دہلی:ملک کے چاروں میٹرو میں گیس سلنڈر کی قیمتوں میں کمی کر دی گئی ہے۔ اس بار یہ کمی کمرشیل گیس سلنڈر کی قیمت میں ہوئی ہے۔ آئی او سی ایل کی ویب سائٹ کے مطابق کمرشل گیس سلنڈر کی قیمت میں 30 روپے سے زیادہ کی کمی کی گئی ہے۔ جبکہ کمرشل گیس سلنڈر کی قیمت میں مارچ کے مہینے میں اضافہ کیا گیا۔ تاہم گزشتہ ایک سال میں کمرشل گیس سلنڈر کی قیمت میں 250 روپے سے زائد کی کمی ہوئی ہے۔ اگر گھریلو گیس سلنڈر کی قیمت کی بات کریں تو اس میں کوئی تبدیلی نہیں ہوئی ہے۔ آخری تبدیلی 9 مارچ کو کی گئی تھی۔ جب ملک کی حکومت نے گیس سلنڈر کی قیمت میں 100 روپے کی کمی کی تھی۔ اس سے پہلے 30 اگست کو گھریلو گیس سلنڈر کی قیمت میں کمی کی گئی تھی۔
