ریاض:سعودی عرب کی انٹرٹینمنٹ اتھارٹی کے سربراہ ترکی آل الشیخ نے ’توکلنا‘ ڈیجیٹل سروسز پلیٹ فارم کے ذریعے انٹری کارڈ کا اجراء کرتے ہوئے ریاض سیزن کے تمام علاقوں میں 60 سال یا اس سے زیادہ عمر کے بزرگوں کے لیے مفت داخلے کی فراہمی کا اعلان کیا ہے۔
اس کے علاوہ ریاض سیزن برائے 2024ء کے اپنے آغاز کے ایک ہفتے کے اندر وزٹرز کی تعداد 20 لاکھ تک پہنچنے کا ریکارڈ قائم کیا ہے۔ یہ ریکارڈ تعداد اس سیزن کے لیے زبردست جذبے اور شہریوں کے جوش وخروش کی عکاسی کرتا ہے۔ شہریوں کو اس سیزن کا سال بھرسے انتظار تھا۔
سیزن کے دوران پانچ اہم علاقے مختص کیے گئے ہیں، جن میں بولیورڈ ورلڈ، کنگڈم ایرینا، بلیوارڈ سٹی، دی وینیو اور السویدی پارک شامل ہیں۔ اس سال بلیوارڈ ورلڈ نے زائرین کی بڑھتی ہوئی تعداد کو ایڈجسٹ کرنے کے لیے 30 فیصد توسیع دیکھی، جس میں بہت سے نئے مقامات شامل کیے گئے ہیں۔ ایسے واقعات اور علاقے جنہوں نے زائرین کے تجربے کے لحاظ سے مخصوص جہتیں شامل کیں۔ ریاض سیزن کو وزٹ کرنے والوں کے لیے پانچ نئے مقامات میں مملکت سعودی عرب، ترکیہ، ایران، افریقہ اور کورچیول خطے کےناموں سے منسوب ہیں، جس سے ریاض سیزن کے خطوں کی کل تعداد 22 ہو گئی۔ ان میں دنیا بھر کے کئی ممالک کےسیاحوں کے لیے 300 ریستوران اور کیفے، اور 890 سے زیادہ تجارتی اسٹورز قائم کیےگئے ہیں
کنگڈم ایرینا ایک تاریخی فائٹ کا انعقاد کیا گیا جس میں آرٹور بیٹربیف کی لائٹ ہیوی ویٹ ڈویژن میں غیر متنازعہ چیمپئن کے طور پر تاج پوشی کا مشاہدہ کیا گیا۔ اس مقابلے میں اکثریتی فیصلے سے دمتری بائیول کی فتح بین الاقوامی باکسنگ میں سنگ میل بن گئی۔
’دی وینیو‘کی بات ہے، سیزن کے اس کے پہلے ایونٹ کا آغاز سکس کنگز سلام ٹورنامنٹ سے ہوا، جو کہ دنیا کا سب سے مہنگا ٹینس ٹورنامنٹ ہے، جس میں عالمی درجہ بندی کے چھ نامور ستاروں کارلوس الکاراز، جینک سنر، رافیل نڈال، ڈینیئل میدویدیف اور ہولگر رون نے حصہ لیا۔
اس ہفتے السویدی پارک ہندوستانی تقریبات کی میزبانی کر رہا ہے جو آج منگل تک جاری رہے گا، جس میں مشہور پرفارمنس، روایتی پکوان، اورموسیقی کے کنسرٹ شامل ہیں۔ اس میں ہندوستانی کمیونٹی، رہائشیوں اور ہندوستانی ثقافت سے محبت کرنے والوں کی بڑی تعداد نے شرکت کی۔
