بیروت: لبنان نے مطلع کیا ہے کہ اسرائیل کے فضائی حملوں میں اس کے کم از کم ایک سو شہری ہلاک ہو چکے ہیں۔اسرائیلی فوج نے لبنان میں 300 اہداف پر حملے کیے ہیں جس سے حزب اللہ پر دباؤ بڑھ گیا ہے۔لبنان میں اسرائیل کا سب سے مہلک حملہ – اسرائیل کی فوج نے ایک پوسٹ میں تصویر جاری کی۔ حزب اللہ کے خلاف ایک سال سے جاری جنگ میں یہ سب سے مہلک فضائی حملوں میں سے ایک ہے۔ حلوی اور دیگر اسرائیلی رہنماؤں نے آنے والے دنوں میں حزب اللہ کے خلاف مزید سخت کارروائی کرنے کا وعدہ کیا ہے۔
جنوبی لبنان کے لوگوں کو اپنے گھر خالی کرنے کی وارننگ اسرائیل نے پیر کو جنوبی لبنان کے لوگوں سے اپنے گھر خالی کرنے کی اپیل کی ہے۔ اسرائیل نے دعویٰ کیا کہ حزب اللہ نے وہاں ہتھیاروں کا ذخیرہ کر رکھا ہے اور تباہ کن حملوں سے خبردار کیا ہے۔ لبنانی حکام نے بتایا کہ اسرائیلی فضائی حملوں میں 100 افراد ہلاک ہوئے۔ لبنان کی وزارت صحت نے کہا کہ جنوبی لبنان میں ہونے والے حملوں میں 400 سے زائد افراد زخمی ہوئے ہیں۔
اسی وقت این این اے نے مشرق میں وادی بیکا میں شدید حملوں کی اطلاع دی، شام کی سرحد کے قریب لبنان کے اندر، بعلبیک اور ہرمل کے مضافات میں بھی اسی ہی اطلاعات تھیں۔ مشرق میں ہونے والے حملوں میں ایک شہری اور ایک چرواہا ہلاک ہوا اور اس کے خاندان کے دو افراد اور چار دیگر زخمی ہوئے۔جنوب اور مشرق میں اے ایف پی کے نامہ نگاروں نے شدید حملوں کی آواز کی اطلاع دی۔لبنان کے وزیر اعظم نجیب میقاتی نے اسرائیل کے ’تباہ کن منصوبے‘ کی مذمت کی۔ نجیب میقاتی نے کابینہ کے اجلاس میں کہا کہ ’لبنان پر اسرائیلی جارحیت تباہی کی جنگ ہے اور ایک تباہ کن منصوبہ ہے جس کا مقصد لبنانی دیہاتوں اور قصبوں کو تباہ کرنا ہے۔ انہوں نے ’اقوام متحدہ اور جنرل اسمبلی اور بااثر ممالک پر زور دیا کہ وہ (اسرائیلی) جارحیت کو روکیں۔حزب اللہ کے ایک ذرائع نے نام ظاہر نہ کرنے کی درخواست پر بتایا کہ وادی بیکا میں ہونے والے حملوں میں مشرق سے مغرب تک علاقے کو نشانہ بنایا گیا۔
