نئی دہلی:حال ہی میں سی اے اے پر بی جے پی لیڈر شانتنو ٹھاکر کے بیان کے بعد اس معاملے پر پھر سے بحث شروع ہو گئی ہے۔ اس معاملے پر کئی اپوزیشن پارٹیوں نے اپنا ردعمل دیا ہے۔ اس دوران سماج وادی پارٹی کے رکن پارلیمنٹ ڈاکٹر ایس ٹی حسن کا بیان بھی سامنے آیا ہے۔ انہوں نے کہا کہ سی اے اے کے بعد یہ لوگ این آر سی لانے کی کوشش کریں گے، لیکن یہ ہمیں قبول نہیں ہے۔
اتراکھنڈ کے سی ایم پشکر سنگھ دھامی نے آج یو سی سی کے نفاذ پر ایک بڑی بات کہی۔ انہوں نے کہا کہ یو سی سی کا مسودہ تیار کر لیا گیا ہے اور جلد اسے کابینہ کے سامنے پیش کیا جائے گا۔ قابل ذکر ہے کہ یہ بات سامنے آ رہی ہے کہ پہلے یو سی سی یعنی یونیورسل سول کوڈ اتراکھنڈ میں لاگو کیا جائے گا اور پھرسی اے اے پر بات ہو سکتی ہے۔ اسی موضوع پر بات کرتے ہوئے سماج وادی پارٹی کے رکن پارلیمنٹ ڈاکٹر ایس ٹی حسن نے کہا کہ وہ اسے کبھی قبول نہیں کریں گے۔
سی اے اے این آر سی پر ایس پی ایم پی ڈاکٹر ایس ٹی حسن نے کہا کہ سی اے اے کے بعد یہ لوگ این آر سی لانے کی کوشش کریں گے، لیکن وہ ہمیں قبول نہیں ہیں۔ اتراکھنڈ کے وزیر اعلیٰ دھامی کے یو سی سی کے حوالے سے دیئے گئے بیان پر انہوں نے کہا کہ اگر یو سی سی کے اندر ایسی چیزیں ہیں جو قرآن و حدیث کی روشنی کے خلاف ہیں تو ہم یو سی سی کو ہر گز قبول نہیں کریں گے۔ ہم قرآن و حدیث کو ماننے والے لوگ ہیں، ہم ایمان پر چلنے والے لوگ ہیں اور ایمان کی خاطر ہم کچھ بھی کر سکتے ہیں۔
اس کے علاوہ اتراکھنڈ کے مدارس میں رامائن کی تعلیم پر بات کرتے ہوئے انہوں نے کہا کہ وہاں کے وزیر اعلیٰ بھی زہر اگلتے ہیں اور وقف بورڈ کے چیئرمین بھی ان کے ہیں۔ مدارس مذہبی تعلیم دیتے ہیں۔ کوئی تربیت زبردستی مسلط نہ کی جائے۔ اگر میں کل یہ کہوں کہ بچوں کے مندروں میں اللہ کے بارے میں سبق ہونا چاہیے تو کیا وہ مانیں گے؟ اسکولوں میں قرآن پاک کا ایک باب ہونا چاہیے، کیا حکومت قبول کرے گی؟ وہ یہ بات ہر گز قبول نہیں کریں گے۔
