حیدرآباد:حیدرآباد لوک سبھا حلقہ سے بی جے پی کی امیدوار مادھوی لتا نے حلقہ میں ایک پولنگ بوتھ کا دورہ کیا۔ اس دوران انہوں نے مسلم خواتین کے برقعہ اتار کر ان کی جانچ کی۔ ان کا ووٹر شناختی کارڈ اور آدھار کارڈ بھی دیکھا۔ اس دوران انہوں نے کہا کہ حیدرآباد میں جو اسکام ہورہا ہے وہ سوچنے کی بات ہے۔ وہ زندہ لوگوں کو مردہ بنا کر ووٹ دینے سے بچا رہے ہیں۔ پولیس اہلکار بہت سست نظر آتے ہیں، وہ فعال نہیں ہیں۔ وہ کسی چیز کی تفتیش نہیں کر رہے ہیں۔ سینئر سٹیزن ووٹر یہاں آ رہے ہیں، لیکن ان کے نام فہرست سے نکال دیے گئے ہیں۔ ان میں سے کچھ گوشامحل کے رہنے والے ہیں، لیکن ان کے نام رنگاریڈی کی فہرست میں ہیں۔
