نئی دہلی:لوک سبھا انتخابات میں عام لوگوں کا مزاج جاننے کے لیے کئی سروے کرائے گئے اور سبھی سروے میں یہ دعویٰ کیا گیا کہ اس بار پھر بھارتیہ جنتا پارٹی (بی جے پی) آگے ہے۔ ان سروے کے حوالے سے پنجاب کے وزیر اعلیٰ اور عام آدمی پارٹی (اے اے پی) کے سینئر رہنما بھگونت مان کے تبصرے سامنے آئے ہیں۔ ان کا کہنا ہے کہ عام آدمی پارٹی کی مقبولیت سروے سے ظاہر نہیں ہوتی ہے، لیکن اس کی اصل کارکردگی براہ راست حکومت بنانے میں مدد کرتی ہے۔ سی ایم مان کا دعویٰ ہے کہ اس بار لوک سبھا انتخابات کے نتائج چونکا دینے والے ہوں گے۔
عام آدمی پارٹی اپوزیشن جماعتوں کے انڈیا اتحاد کا حصہ ہے۔ تاہم وہ پنجاب میں کانگریس سے الگ ہو کر الیکشن لڑ رہیہے۔ سی ایم مان نے بی جے پی کے اب کی بار 400 پار کے نعرے کو جملہ قرار دیا ہے۔ ان کا کہنا ہے کہ یہ نعرہ مکمل طور پر ایک جملہ ہے۔ دہلی میں 2020 کے اسمبلی انتخابات کے دوران بھارتیہ جنتا پارٹی نے ایسا نعرہ کیوں نہیں دیا؟ کون طے کرے گا کہ بی جے پی کتنی سیٹیں جیتے گی؟ اس کا فیصلہ ملک کے 140 کروڑ عوام کرنے والے ہیں۔ وہ بتائیںگے کہ کس کو کتنی سیٹیں ملیں گی۔ سی ایم مان نے کہا کہ یہ ملک کسی کی ذاتی جاگیر نہیں ہے۔
سی ایم مان کا نے کہاہم سروے میں نہیں آتے، ہم براہ راست حکومت بناتے ہیں۔ ان کا کہنا ہے کہ کسی سروے میں دہلی اور پنجاب میںآپ کی جیت کی پیش گوئی نہیں کی گئی تھی۔ اس کے علاوہ گجرات انتخابات کے دوران بھی یہ پیشین گوئی نہیں کی گئی تھی کہ پارٹی کا ایک بھی ایم ایل اے جیتے گا اور نہ ہی یہ بتایا گیا تھا کہ ان کی پارٹی چنڈی گڑھ میں میئر کا انتخاب جیتنے والی ہے۔ جو لوگ یہ مان رہے ہیں کہ یہ ان کا ملک ہے اس بار نتائج دیکھ کر حیران رہ جائیں گے۔
کل سی ایم بھگونت مان گجرات کے بھروچ کے دورے پر تھے، جہاں انہوں نے روڈ شو کیا۔ اس دوران انہوں نے میڈیا سے بات کرتے ہوئے کہا کہ دہلی کے وزیر اعلیٰ اروند کجریوال ملک میں پہلے شخص ہیں جنہوں نے انتخابات میں ووٹروں کو گارنٹی دی۔ اس کے بعد خوف کے مارے بی جے پی نے اپنے منشور میں ضمانت دینے کی بات شروع کردی ہے۔ بھگونت مان کا کہنا ہے کہ لوک سبھا انتخابات سے پہلے وزیر اعلی اروند کیجریوال کو شراب گھوٹالہ کیس میں جیل میں ڈالنا مرکزی حکومت کی آمریت ہے۔ اس سے ان کی سازش بھی ظاہر ہوتی ہے۔
