پٹنہ:بہار اسمبلی انتخابات سے قبل آر جے ڈی لیڈر تیجسوی یادو نے بڑا اعلان کیا ہے۔ تیجسوی نے جمعرات کو پٹنہ میں ایک پریس کانفرنس میں بی جے پی-جے ڈی یو حکومت پر حملہ کیا۔ نتیش کمار حکومت کے انتخابی وعدوں کے بارے میں تیجسوی نے کہا، “یہ حکومت ہماری اسکیموں کی نقل کر رہی ہے۔ اب وہ 10 لاکھ نوکریاں پیدا کرنے کی بات کر رہے ہیں، لیکن جب ہم اس پر بات کر رہے تھے، وہ پوچھ رہے تھے، ‘ہم پیسہ کہاں سے لائیں گے؟’ 17 مہینوں سے، ہم نے روزگار پر توجہ مرکوز کی، یہ لوگ بے روزگاری الاؤنس دے رہے ہیں، لیکن وہ روزگار کے بارے میں بات نہیں کر رہے ہیں۔”
تیجسوی نے کہاکہجیسے ہی ہم حکومت بنائیں گے، ہم پہلا نوٹیفکیشن جاری کریں گے: بہار میں جن خاندانوں کے پاس سرکاری نوکری نہیں ہے، انہیں لازمی طور پر سرکاری نوکری دی جائے گی۔ 20 ماہ کے اندر، ہم ہر اس خاندان کو سرکاری نوکری فراہم کریں گے جن کے پاس سرکاری نوکری نہیں ہے۔
بہار میں کسی بھی ایسے خاندان کو لازمی سرکاری ملازمت فراہم کرنے کے لیے ایک نیا قانون پاس کیا جائے گا جس کے پاس سرکاری ملازمت نہیں ہے۔ یہ آرڈیننس حکومت کے قیام کے 20 دن کے اندر نافذ ہو جائے گا۔ 20 مہینوں کے اندر بہار میں کوئی گھر ایسا نہیں ہوگا جس میں سرکاری نوکری نہ ہو۔ حکومت بننے کے 20 دنوں کے اندر قانون نافذ ہو جائے گا اور 20 ماہ کے اندر تیجسوی ہر اس خاندان کو سرکاری ملازمت فراہم کرنے کا کام کریں گے جس کے پاس سرکاری ملازمت نہیں ہے۔
یہ نوٹیفکیشن حکومت کے قیام کے 20 دن کے اندر جاری کر دیا جائے گا۔ 20 ماہ میں بہار کا ایک بھی گھر ایسا نہیں ہوگا جس میں نوکری نہ ہو۔ ہر وہ خاندان جس کے پاس سرکاری نوکری نہیں ہے اسے سرکاری نوکری فراہم کی جائے گی۔ بہت ہو گیا، بہار کی بدنامی نہیں ہوگی۔ سماجی انصاف کے بعد بہار اب معاشی انصاف کی ریاست بن جائے گی۔ الیکشن نوٹیفکیشن کے بعد یہ پہلا اعلان ہے۔ بہار میں ہر وہ خاندان جس کے پاس سرکاری نوکری نہیں ہے ایک نیا ایکٹ بنا کر لازمی طور پر نوکری دی جائے گی۔
آر جے ڈی لیڈر تیجسوی یادو نے بہار انتخابات سے پہلے کئی بڑے وعدے کیے ہیں۔ انہوں نے کہا، “20 سالوں سے، این ڈی اے نے ہر گھر میں عدم تحفظ اور بے روزگاری کا خوف پیدا کیا ہے، اب، ہم ہر گھر کو ملازمت فراہم کریں گے، ہر گھر کو سرکاری نوکری فراہم کرکے اور بہار میں صنعتیں لگا کر، تعلیمی شہر، آئی ٹی پارکس لگاکرصنعتوں کو فروغ دیا جائے گا۔
