نئی دہلی:بہار ایس آئی آر معاملے میں راشٹریہ جنتا دل اور دیگر کی طرف سے دائر درخواستوں پر سپریم کورٹ میں سماعت ہو رہی ہے۔ بہار میں ایس آئی آر کو لے کر سپریم کورٹ نے بڑا حکم دیا ہے۔ اب یکم ستمبر کے بعد بھی اعتراضات قبول کیے جائیں گے۔ جن لوگوں کے نام فہرست میں نہیں ہیں ان کی مدد کے لیے رضاکار مقرر کیے جائیں گے۔ سپریم کورٹ نے سیاسی جماعتوں اور حذف شدہ ووٹروں کے دعوے دائر کرنے میں مدد کے لیے پیرا لیگل رضاکاروں کو مقرر کیا ہے۔ سپریم کورٹ نے بہار لیگل سروسز اتھارٹی کو ہدایت دی کہ وہ پیرا لیگل رضاکاروں کی تقرری کریں تاکہ لوگوں اور فریقین کو دعوے اور اعتراضات داخل کرنے میں مدد ملے۔
جسٹس سوریہ کانت نے واضح کیا کہ آدھار کو تصدیق کے مقاصد کے لیے ایک دستاویز کے طور پر لیا جائے گا، لیکن یہ صرف شناخت کے ثبوت کے طور پر ہوگا۔ انہوں نے کہا کہ عدالت آدھار کی حیثیت کو بڑی بنچ کے فیصلے یا آدھار ایکٹ کے سیکشن 9 سے آگے نہیں بڑھا سکتی۔ پرشانت بھوشن نے یہ بھی کہا کہ پہلے آدھار کو قبول نہیں کیا جا رہا تھا، لیکن اب عدالتی حکم کے بعد اس پر 11 درج دستاویزات میں سے ایک کے طور پرقبول کیا جا رہا ہے۔ الیکشن کمیشن نے عدالت کو بتایا کہ 7.24 کروڑ ووٹروں میں سے 99.5 فیصد نے کاغذات جمع کرائے ہیں، لیکن حیرت کی بات ہے کہ زیادہ تر سیاسی جماعتیں اور ووٹرز ناموں کو حذف کرنے کے لیے درخواست دے رہے ہیں، نہ اضافے کے لیے۔
جسٹس سوریا کانت نے دہرایا کہ الیکشن کمیشن کا مینوئل عمل ایک ادارہ جاتی عہد ہے اور اس پر عمل کیا جانا چاہئے۔ پرشانت بھوشن نے الزام لگایا کہ کمیشن اس کی پیروی نہیں کر رہا ہے۔ سماعت کے اختتام پر، سپریم کورٹ نے بہار قانونی خدمات اتھارٹی کو سیاسی جماعتوں اور حذف شدہ ووٹروں کے دعوے اور اعتراضات دائر کرنے میں مدد کے لیے پیرا لیگل رضاکاروں کو مقرر کرنے کی ہدایت کی۔ آر جے ڈی نے سپریم کورٹ سے مطالبہ کیا ہے کہ رائے دہندوں کے لیے مسودہ ووٹر لسٹ پر اعتراضات جمع کرانے کی آخری تاریخ (1 ستمبر) میں توسیع کی جائے۔ درخواست میں کہا گیا ہے کہ 22 اگست کو ہونے والی سماعت سے قبل تقریباً 84305 افراد جو ڈرافٹ ووٹر لسٹ میں رہ گئے تھے، نے اپنے دعوے جمع کرائے تھے، جس کے بعد 27 تاریخ کو یہ تعداد تقریباً دگنی (1,78,948) ہو گئی ہے۔
عرضی میں کہا گیا ہے کہ کئی جگہوں پر انتخابی افسر صرف آدھار کارڈ والے لوگوں کے دعوے قبول نہیں کر رہے ہیں۔ پرشانت بھوشن نے کہا کہ اس معاملے میں کئی مسائل ہیں، ایک مسئلہ اعتراض کے لیے وقت بڑھانے کا ہے۔ جسٹس سوریا کانت نے کہا کہ ایک اعتراض داخل کرنے کا وقت بڑھانا ہے، جبکہ دوسرا 22 اگست کے حکم کی تشہیر کے لیے ہے۔ جسٹس سوریا کانت نے کہا کہ آدھار تصدیق کے مقصد کے لیے ایک دستاویز کی طرح ہوگا۔
