جعلی حج مہمات اور غیر مجاز دفاتر سے ہوشیار رہا جائے: سعودی عرب کا انتباہ

ریاض:سعودی وزارت داخلہ نے عازمین حج کی خدمت کے لیے چلائی جانے والی جعلی حج مہموں اور غیر مجاز دفاتر کے خلاف خبردار کیا ہے اور گمراہ کن جھوٹے اشتہارات کے پیچھے نہ لگنے کی تاکید کی ہے۔
وزارت نے ان افراد کے خلاف قانونی کارروائی کرنے پر زور دیا ہے جنہیں پکڑ لیا جائے گا۔
وزارت نے سب سے اپیل کی ہے کہ وہ حج کے قواعد و ضوابط کی پابندی کریں۔ ان قواعد کا مقصد عازمین حج کے امن و سلامتی کو برقرار رکھنا ہے تاکہ وہ آسانی اور اطمینان سے اپنی مناسک ادا کر سکیں۔
خلاف ورزی کرنے والوں کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور سعودی عرب کے باقی علاقوں میں 999 پر دی جا سکتی ہے۔