تل ابیب:اسرائیلی براڈکاسٹنگ کارپوریشن نے بتایا ہے کہ تل ابیب کی جانب میزائل فائر کیے جانے کے بعد بن گوریون ایئرپورٹ پر نیویگیشن معطل کرنے کا اعلان کیا ہے۔
العربیہ کے مطابق یہ پیش رفت لبنان سے داغے گئے دو میزائلوں کو روکنے کے بعد تل ابیب اور وسطی اسرائیل میں سائرن کی آوازوں کے دوران سامنے آئی ہے۔
دریں اثنا، حزب اللہ نے اعلان کیا کہ اس نے حیفا کے جنوب میں واقع “تیرات الکرمل” بیس کو ڈرون سے نشانہ بنایا، جب کہ اسرائیل نے مشرقی لبنان میں وادی بقاع پر حملے کیے ہیں۔
