ممبئی: سوناکشی سنہا اور ظہیر اقبال شادی کے بندھن میں بندھ گئے۔ جوڑے نے خاندان اور قریبی لوگوں کے درمیان شادی کا اندراج کرایا ہے۔ اداکارہ نے خود اپنی شادی کی تصاویر انسٹاگرام پر شیئر کی ہیں۔ اسے شیئر کرنے کے ساتھ ہی سوناکشی نے ایک لمبی پوسٹ بھی لکھی ہے۔ اس کو شیئر کرنے کے ساتھ اداکارہ نے یہ بھی بتایا ہے کہ ان کی محبت کا آغاز اسی دن 2017 میں ہوا تھا۔ بتایا جا رہا ہے کہ نکاح کے بعد یہ جوڑا شادی کے استقبالیہ کی میزبانی کرنے والا ہے۔ کہا جا رہا ہے کہ اس میں 1000 مہمان شرکت کرنے والے ہیں۔ ان کی پارٹی صبح 4 بجے تک چلے گی۔
سوناکشی سنہا نے شادی کے بعد نکاح کی پہلی تصویر انسٹاگرام پر شیئر کی ہے۔ اس کو شیئر کرنے کے ساتھ انہوں نے لکھا، ‘اس دن یعنی 23 جون 2017 کو، ہماری آنکھیں سات سال پہلے ملی تھیں۔ ہم نے خالص محبت دیکھی اور اس پر قائم رہنے کا فیصلہ کیا۔ آج اس محبت نے تمام چیلنجوں میں ہماری رہنمائی کی ہے… ہمیں اس لمحے تک پہنچایا ہے… جہاں ہمارے دونوں خاندانوں اور دونوں خداؤں کی برکت سے… اب ہم میاں بیوی ہیں۔
