دبئی:گروپ آف سیون کے رہنماؤں نے بین الاقوامی قانونی جواز کے ٹرمز آف ریفرنس اور فیصلوں کے مطابق دو ریاستی حل کے لیے اپنے پختہ عزم کا اعادہ کیا۔ یہ بات ’’بولیا‘‘ شہر میں منعقد گروپ آف سیون کے سربراہی اجلاس کے مسودہ کے حتمی بیان میں سامنے آئی ہے۔ گروپ آف سیون کے رہنماؤں نے غزہ میں جنگ بندی اور قیدیوں کی رہائی کے لیے امریکی تجویز کی حمایت کا اعلان بھی کیا۔
جی سیون نے مزید کہا کہ یوکرین کو 50 بلین ڈالر کے قرض کی تکنیکی تفصیلات کو آنے والے ہفتوں میں حتمی شکل دی جائیں گی۔ جمعرات کو اٹلی نے یورپی پارلیمان کے انتخابات کے تناظر میں سات صنعتی ممالک کے گروپ کے سربراہی اجلاس کی میزبانی کی۔ گروپ کے ارکان فرانس اور جرمنی جیسے ممالک میں انتہائی دائیں بازو کی حمایت میں اضافہ دیکھا گیا ہے۔
اگلے ہفتے تکجی 7 سربراہی اجلاس میں عالمی تنازعات، خاص طور پر غزہ جنگ اور روسی یوکرین جنگ، مصنوعی ذہانت کے پھیلاؤ اور افریقی مسائل پر توجہ مرکوز کی جائے گی۔ اس میں اٹلی کی غیر قانونی مہاجرت کے بارے میں طویل مدتی تشویش پر توجہ دی جائے گی۔ موسمیاتی تبدیلی جیسے مسائل بھی زیر بحث آئیں گے۔یاد رہے جی سیون ایک غیر رسمی فورم ہے جو اقتصادی پالیسی اور سلامتی کے مسائل پر بات چیت کے لیے سالانہ سربراہی اجلاس منعقد کرتا ہے۔ اس کے ارکان میں کینیڈا، فرانس، جرمنی، اٹلی، جاپان، برطانیہ اور امریکہ شامل ہیں۔
وائٹ ہاؤس نے جمعرات کو اعلان کیا کہ اسرائیل غزہ کی پٹی میں آٹھ ماہ سے جاری جنگ میں جنگ بندی کی تجویز کی حمایت کرتا ہے اور اس کا مقصد حماس کے ساتھ خلیج کو پاٹنا اور جلد کسی معاہدے تک پہنچنا ہے۔ وائٹ ہاؤس کے قومی سلامتی کے مشیر سلیوان نے اٹلی میں G7 رہنماؤں کے اجلاس کے موقع پر صحافیوں کو بیان دیتے ہوئے کہا کہ دنیا کو چاہیے کہ حماس کو ترغیب دے کہ وہ امریکی تجویز کو قبول کرے۔ سلیوان نے پہلے کہا تھا کہ حماس کی طرف سے جنگ بندی کی تجویز میں جو تبدیلیاں تجویز کی گئی ہیں وہ دراصل معمولی تھیں۔ امریکہ اس تجویز میں خلا کو پر کرنے کے لیے مصر اور قطر کے ساتھ مل کر کام کرے گا۔ امریکی قومی سلامتی کے مشیر نے حماس کے بعض تبصروں کو حسب توقع بیان کیا۔
حماس کے ایک سینئر رہنما نے جمعرات کو رائٹرز کو کہا ہے کہ تحریک نے امریکہ کی طرف سے پیش کردہ جنگ بندی کی تجویز میں جو ترامیم کرنے کی درخواست کی ہے وہ بہت بڑی نہیں ہیں۔ ان تجاویز میں غزہ کی پٹی سے اسرائیلی افواج کا مکمل انخلاء بھی شامل ہے۔ انہوں نے کہا کہ تحریک کے مطالبات میں جنگ بندی کے تین مسلسل اور باہم مربوط مراحل کا مطالبہ شامل ہے۔ انہوں نے یہ بھی کہا کہ تحریک کو 100 فلسطینی قیدیوں کے اسرائیلی کارڈ سے خارج کرنے پر تحفظات ہیں جن کی وہ نشاندہی کرے گی۔
حماس رہنما نے بتایا کہ ترامیم میں غزہ کی تعمیر نو اور محاصرہ ختم کرنے کے مطالبات شامل ہیں۔ اس میں سرحدی گزرگاہیں کھولنا اور رہائشیوں کی نقل و حرکت اور بغیر کسی پابندی کے سامان کی نقل و حمل کی اجازت دینا بھی شامل ہے۔
حماس سمجھتی ہے کہ امریکی وزیر خارجہ بلنکن کی جانب سے معاہدے تک پہنچنے میں رکاوٹ ڈالنے کا الزام اسرائیل کے ساتھ امریکی ملی بھگت کے سوا کچھ نہیں ہے۔ بلنکن نے کہا کہ حماس کو امریکی مجوزہ تجویز کو اس کی اصل صورت میں ماننا ہوگا۔ اگر حماس اسے مسترد کرنے پر کاربند رہی تو یہ واضح ہے کہ اس نے جنگ کا انتخاب کیا ہے۔
ایک بیان میں تحریک حماس نے امریکی انتظامیہ سے مطالبہ کیا کہ وہ اسرائیلی حکومت پر دباؤ ڈالے کہ وہ ایک ایسا معاہدہ قبول کرے جس سے غزہ کی پٹی میں مستقل جنگ بندی ہو سکے۔ حماس نے کہا ہے کہ امریکی حکام کا کہنا ہے کہ اسرائیل 31 مئی کو صدر جو بائیڈن کی پیش کردہ تجویز کو قبول کرتا ہے لیکن دنیا نے نیتن یاہو اور ان کی حکومت کی طرف سے اس تجویز کا کوئی خیرمقدم یا اس کی منظوری کی بات نہیں سنی۔
