نوئیڈا:راجدھانی دہلی سے متصل نوئیڈا میں آج صبح تیز رفتاری کی تباہی دیکھی گئی۔ یہاں ایک تیز رفتار بی ایم ڈبلیو کار نے ای رکشہ کو ٹکر مار دی۔ حادثے میں ای رکشا میں سوار دو افراد کی موقع پر ہی موت ہو گئی۔ تین دیگر زخمی ہوگئے، جنہیں فوری طور پر قریبی اسپتال لے جایا گیا۔ یہ واقعہ نوئیڈا سیکٹر-24 میں سمترا اسپتال کے قریب پیش آیا۔
پولیس نے کار میں سوار دو نوجوانوں کو حراست میں لے لیا ہے جبکہ ایک فرار ہو گیا ہے۔ تین زخمی ہسپتال میں زیر علاج ہیں۔ حادثے کے بعد کار اور ای رکشہ کے پرخچے اڑ گئے۔ پولیس نے بتایا کہ یہ واقعہ صبح چھ بجے پیش آیا۔ ای رکشہ شہر گول چکر سے 12-22 کی طرف جا رہا تھا۔ اس کے بعد ایک تیز رفتار بی ایم ڈبلیو کار نے پیچھے سے ای رکشہ کو ٹکر مار دی۔ ای رکشہ میں پانچ افراد سوار تھے۔ ان میں دو افراد ہلاک ہو گئے۔ اس کے ساتھ ہی تین افراد زخمی ہوئے ہیں۔ معاملے کی جانچ جاری ہے۔
حراست میں لیے گئے افراد کی شناخت تشار اور عدی کے طور پر ہوئی ہے۔ دونوں نوئیڈا کے رہنے والے ہیں۔ ان کا تیسرا ساتھی امن سسودیا ابھی تک مفرور ہے۔ زخمیوں میں رکشہ ڈرائیور راجندر (40) ساکن گجھوڑ، پون (27 سال) اور سورج (20 سال) شامل ہیں۔ حادثے میں ہلاک ہونے والوں کی شناخت محمد مصطفیٰ (50) اور رشمی (25) کے طور پر ہوئی ہے۔ رشمی میٹرو اسپتال میں اسٹاف نرس تھی۔ سبھی کے گھر والوں کو مطلع کر دیا گیا ہے۔ لاشوں کو پوسٹ مارٹم کے لیے بھیج دیا گیا ہے۔ معاملے میں تفتیش جاری ہے۔
ایسا ہی ایک حادثہ گریٹر نوئیڈا میں 15 مئی کو دیکھا گیا تھا۔ یہاں دنکور تھانہ علاقہ میں یمنا ایکسپریس وے پر دو کینٹر گاڑیاں آپس میں ٹکرا گئیں۔ حادثے میں کنٹر گاڑی میں سوار ایک ہیلپر کی موقع پر ہی موت ہو گئی۔ ہیلپر کے اہل خانہ نے غفلت برتنے کے الزام میں ڈرائیور کے خلاف تھانہ سٹی میں مقدمہ درج کرا دیا۔ پولس ابھی تک اس معاملے میں تفتیش کر رہی ہے۔
