نئی دہلی:نیشنل ٹیسٹنگ ایجنسی نےیوجی سی نیٹ جون امتحان 2024 کے لیے رجسٹریشن لنک کھول دیا ہے۔ وہ امیدوار جو اس امتحان میں شامل ہونا چاہتے ہیں وہ سرکاری ویب سائٹ پر جا کر فارم بھر سکتے ہیں۔ ایسا کرنے کے لیے این ٹی اے یوجی سی نیٹ کی ویب سائٹ پردرخواستیں دی جا سکتی ہیں، تفصیلات معلوم کی جا سکتی ہیں اور اپ ڈیٹس کو بھی مانیٹر کیا جا سکتا ہے۔
این ٹی اے نے یو جی سی نیٹ جون کے امتحان کے لیے کل یعنی 20 اپریل کو رجسٹریشن شروع کر دیا ہے۔ درخواست دینے کی آخری تاریخ 10 مئی 2024 ہے۔ آپ کو فارم کے ساتھ مقررہ فیس بھی ادا کرنی ہوگی۔ فیس جمع کرانے کی آخری تاریخ 11 تا 12 مئی 2024 ہے۔ اسے صرف آن لائن جمع کرایا جا سکتا ہے۔
تصحیح ونڈو 13 مئی کو کھلے گی اور 15 مئی کو بند ہوگی۔ اس وقت کے دوران، آپ کو اپنی درخواستوں میں کوئی بھی تصحیح کرنے کی ضرورت ہوتو کر سکتے ہیں۔
سرکاری نوٹس میں دی گئی معلومات کے مطابق، یو جی سی نیٹ جون کا امتحان 16 جون 2024 کو منعقد کیا جائے گا۔ یہ امتحان جونیئر ریسرچ فیلوشپ، اسسٹنٹ پروفیسر کے عہدہ اور پی ایچ ڈی میں داخلہ کے اہل ہونے کے لیے لیا جائے گا۔ یہ امتحان کل 83 مضامین کے لیے لیا جائے گا۔
یوجی سی نیٹ امتحان کے لیے درخواست دینے کے لیے، عام زمرے کے امیدواروں کو 1150 روپے کی فیس ادا کرنی ہوگی۔ ایس سی، ایس ٹی، پی ڈبلیو بی ڈی اور تیسری جنس کے لیے فیس 325 روپے ہے۔ صرف کریڈٹ کارڈ، ڈیبٹ کارڈ، نیٹ بینکنگ،یوپی آئی کے ذریعے فیس ادا کی جاسکتی ہے۔
